Ndahet nga jeta veprimtari, humanisti dhe atdhetari Irfan Vlashi nga Veleshta (1938 – 2025).
Një nga figurat emblematike të Strugës dhe më gjerë, ai ishte gjithmonë pranë çdo zhvillimi të rëndësishëm kombëtar për popullin shqiptar në këtë rajon.
Si ndër themeluesit dhe kryetar i Shoqatës Humanitare “Nëna Tereza”, u veçua me guximin dhe kontributin e tij gjatë luftës së Kosovës, duke ndihmuar njerëzit në ditët më të vështira.
I burgosur politik në kohët më të errëta të regjimit Jugosllav.
I palodhshëm deri në ditët e fundit të jetës së tij për idealin kombëtar, Irfan Vlashi mbetet shembull i përkushtimit, sakrificës dhe dashurisë për atdheun.
Sot me krenari e kujton familja, shoqëria dhe gjithë bashkëpunëtorët e tij, duke nderuar veprën dhe trashëgiminë që la pas.
